Thursday, January 04, 2007

رباعيات

أطفئ لَظى القلبِ بشَهْدِ الرِضاب
فإنما الأيام مِثل السَحاب
وعَيْشُنا طَيفُ خيالٍ فَنَلْ
حَظَكَ منه قبل فَوتِ الشباب
عمر الخيام
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي
صلاح جاهين
اللى يداديك داديه
وإجعل عيالك عبيده
واللى يعاديك عاديه
روحك مهيَاش بإيده
إبن عروس

Tuesday, January 02, 2007

إعدام صدَام

على الرغم انك كما كنت ظالم
وإنك حكمت البلاد بالمظالم
وروًعت شعبك بشلَة ديابة
وحوش مفترَية وعايشة فى غابة
وسمت العباد الهوان والمذلَة
وبلدك لحضن العدا والمهالك

على الرغم كونك عديم المشاعر
وكونك أسلت الدما فى الشوارع
نشرت الخراب والدمار والمجازر
وسقت العراق للعذاب والقطيعة
وآلام مخيفة ,عنيفة وفظيعة
ورعب ومآسى فى كل المسالك

ولكن نهايتك على إيدين جبانة
فى عيد الضحية ورمز الأمانة
فى يوم السلام والوئام والمحبة
دا أكبر دليل عندنا ع الخيانة
تخليك فى عين الملايين بطل
وتجعل قلوبنا تدوب م المهانه

ولكن حقيقتك مهياش كذلك!!!!